- Dit is belangrik om jou kans op indiensneming soveel as moontlik te verhoog.
- Kry goeie punte om te wys dat jy hardwerkend is.
- Webtuistes soos LinkedIn kan gebruik word om effektiewe netwerking te doen.
- Vrywilligheidswerk wys dat jy noodsaaklike sagte vaardighede het wat belangrik is in die werksplek.
- Vaardigheidstapeling kan wys dat jy bereid is om te leer en kan jou help om ‘n werk te kry.
Met die besigheidswêreld wat aanhou groei, het dit al hoe blangriker geraak vir werknemers om uit te staan wanneer hulle aansoek doen.
Dit is dus ‘n goeie idee om jou kans om aangestel te word soveel as moontlik te verhoog.
Hier is ‘n paar maniere om jou kans op indiensneming te verhoog:
- Kry goeie punte.
- Maak gebruik van netwerking.
- Doen vrywilligheidswerk.
- Vermeerder jou vaardighede.
Kry Goeie Punte
As jy hard werk en goeie punte kry, sal dit vir werkgewers wys dat jy toegewyd is. Goeie punte is ‘n aanduiding van goeie tydsbestuur, probleemoplossing, en goeie werksetiek.
Met goeie punte wys jy vir werkgewers waartoe jy in staat is en dat jy ernstig is oor wat jy doen.
Maak Gebruik Van Netwerking
Netwerking is een van die maklikste maniere om jouself op die werksmark te kry. Jy kan so jou konneksies in die besigheidswêreld versterk en meer geleenthede verseker.
‘n Goeie aanlyn-platform vir netwerking is LinkedIn. So kan jy maklik met verskillende mense praat wat in dieselfde besigheidsveld as jy belangstel en aansoek doen vir ‘n oop pos.
Dit is dalk ‘n goeie idee om ‘n besigheidskaartjie vir jouself te maak. Dit is ‘n goeie manier om professioneel voor te kom en gee vir mense ‘n fisiese manier om jou en jou dienste te onthou.
Doen Vrywilligheidswerk
Vrywilligheidswerk is ‘n goeie manier om te wys dat jy bereid is om tyd te spandeer aan harde werk.
Werkgewers sal ook so ‘n idee kry van jou karakter en wat vir jou belangrik is.
Spanwerk en empatie is goeie sagte vaardighede wat gebruik kan word in die werksplek en vrywilligheidswerk sal wys dat jy hierdie kwaliteite het.
Jy kan ook vrywilligheidswerk op jou CV plaas. Dit is so ‘n belangrike aspek vir werkgewers dat jy beslis ‘n beter kans sal hê om aangestel te word.
Vermeerder Jou Vaardighede
Hoe meer vaardighede jy het, hoe beter is jou kans om aangestel te word. Jy sal ook waarskynlik nie soveel opleiding nodig hê om ‘n nuwe werk te doen nie wat baie voordelig is in die werksplek.
Jy kan vaardigheid stapeling doen om te sien watter vaardighede jy kan aanleer wat jou sal bevoordeel in jou werksrigting.
Outeur: Karla Nortier